’Yan Takara 15 Na Neman Gwamnan Osun, Yayin Da Masu Zaɓe Miliyan 2.3 Za Su Fita Rumfunan Zaɓe

Duk da yawan ’yan takarar, wasu mutane uku ne suka fi ɗaukar hankalin jama’a a wannan takara, ciki har da gwamnan jihar mai ci Ademola Adeleke na jam’iyyar Accord, ɗan takarar APC Bola Oyebamiji, da ɗan takarar ADC Najeem Salam.

Ga Gwamna Adeleke, zaɓen na ba shi damar kare kujerar da ya samu a zaɓen shekarar 2022 tare da neman ƙarin wa’adi na shekaru huɗu. Adeleke, wanda ɗan asalin Ede ne, ya taɓa yin takarar gwamna a shekarar 2018 ƙarƙashin jam’iyyar PDP, inda ya sha kaye a hannun ɗan takarar APC, Adegboyega Oyetola.

100

A yayin yakin neman zaɓen, ’yan takarar sun zagaya ƙananan hukumomi 30 na jihar Osun, suna gabatar da manufofinsu tare da neman goyon bayan masu zaɓe gabanin ranar zaɓen.

A ƙarshe dai, ƙuri’ar al’ummar Osun ce za ta tantance wanda zai jagoranci jihar na shekaru huɗu masu zuwa.