Makinde ya bayyana kwarin gwiwarsa kan zaɓen shugaban ƙasa na 2027

Makinde, wanda shi ne ɗan takarar shugaban ƙasa na jam’iyyar Allied Peoples Movement, APM, ya bayyana hakan ne yayin wani taron ibada da aka gudanar a cocin Church of Christ in Nations da ke Jos, jihar Filato.
Gwamnan ya ce burinsa na zama shugaban ƙasa bai dogara da wani mai fada a ji a siyasa ba, sai dai ya dogara da Allah da kuma goyon bayan al’ummar ƙasar.
Ya bayyana cewa manufarsa ita ce kawo sauyi a tsarin tafiyar da Najeriya ta hanyar samar da ingantaccen shugabanci.
A cewarsa, idan aka ba shi dama, zai mayar da hankali wajenmagance manyan ƙalubalen da ƙasar ke fuskanta, musamman matsalar tsaro, tattalin arziki da kuma ilimi.
Makinde ya kuma jaddada cewa Najeriya na buƙatar shugabanci mai inganci wanda zai inganta rayuwar jama’a tare da magance matsalolin zamantakewa da siyasa da ke addabar ƙasar.