Tinubu Ya Janye Sunayen ’Yan Kwamitin Yakin Neman Zabensa

Jerin sunayen, wanda aka fitar domin tsara da kuma gudanar da ayyukan yakin neman zaben shugaban kasar, ya haifar da martani da suka daga wasu bangarorin jam’iyyar da masu ruwa da tsaki a harkokin siyasa.

Bayan ce-ce-ku-ce da aka samu, Fadar Shugaban Kasa ta yanke shawarar janye jerin sunayen, lamarin da ya kara haifar da tambayoyi kan yadda za a sake tsara kwamitin da kuma wadanda za a sanya a cikinsa.

Har zuwa yanzu, ba a bayyana cikakken dalilin janye jerin sunayen ba, ko kuma lokacin da za a fitar da sabon jerin mambobin kwamitin.

1

Janye jerin sunayen na zuwa ne a daidai lokacin da jam’iyyar APC ke kara shirye-shiryen tunkarar zabuka masu zuwa, tare da kokarin karfafa tsarin yakin neman zabe da hada kan masu ruwa da tsaki a jam’iyyar.

Masu lura da harkokin siyasa na ganin cewa sabon tsarin kwamitin na iya yin tasiri wajen tsara dabarun yakin neman zaben Shugaba Tinubu da kuma yadda jam’iyyar za ta tafiyar da harkokin siyasarta a lokacin zabe.