Sarkin Kano Zai Kaddamar da Hawan Maulidi karan farko a Tarihin Masarautar

Rahotanni daga fadar Sarkin sun ce za a gudanar da hawan ne a ranakun Asabar da Lahadi, inda Mai Martaba Sarkin zai fito domin halartar bukukuwan Maulidin Annabi Muhammad (SAW).

Hawan Maulidi wata al’ada ce da ake gudanarwa a wasu masarautun Arewacin Najeriya a ranar 12 ga Rabi’ul Awwal, domin nuna farin ciki da girmamawa ga Manzon Allah (SAW).

1

Ana sa ran wannan sabon salo zai ƙara haskaka al’adun gargajiya na Kano tare da ba da damar al’umma su gudanar da bukukuwan Maulidi cikin yanayi na zaman lafiya da haɗin kai.

1

Hawan dai na zuwa ne a daidai lokacin da ake shirye-shiryen bukukuwan Maulidin Annabi Muhammad (SAW), yayin da ake sa ran dubban al’umma za su fito domin halartar bukukuwan a sassa daban-daban na birnin Kano.