Sarkin Kano Ya Jaddada Tsawon Tarihin Alaƙa Tsakanin Masarautun Kano da Dutse

Sarkin ya bayyana hakan ne a lokacin da ya ziyarci Fadar Masarautar Dutse a Jihar Jigawa, inda ya kuma kai ta’aziyya bisa rasuwar Mai Martaba Sarkin Gumel. Sarkin ya je ziyarar ne tare da wasu daga cikin manyan hakimansa na Masarautar Kano.

Khalifa Muhammadu Sanusi na II ya bayyana jin daɗinsa da yana mai cewa “wannan ziyara ta kasance wata dama ta sada zumunci da ƙarfafa alaƙa tsakanin Masarautun Kano da Dutse.”

2

A nasa jawabin, Mai Martaba Sarkin Dutse, Alhaji Hamid Sanusi, ya bayyana ziyarar Sarkin Kano a matsayin mai matuƙar muhimmanci, inda ya ce “wannan ziyara za ta ƙara ƙarfafa alaƙar da ke tsakanin masarautun biyu”

Ya kuma yi fatan alheri ga Masarautar Kano da al’ummar Jihar Kano, tare da jaddada buƙatar ci gaba da ƙarfafa zumunci da haɗin kai tsakanin masarautun.