Shugaban kasa, Bola Ahmed Tinubu, ya taya al’ummar Hausawa murnar Ranar Hausa

Shugaban kasa, Bola Ahmed Tinubu, ya taya al’ummar Hausawa murnar Ranar Hausa, yana mai bayyana Hausawa a matsayin muhimman ginshiƙai wajen haɗin kan Najeriya da ci gabanta.

Shugaban ya ce al’ummar Hausawa na taka muhimmiyar rawa wajen ƙarfafa haɗin kai da ci gaban ƙasa.

Tinubu ya kuma bayyana harshen Hausa a matsayin wani babban harshe da ya bunƙasa, wanda ya zama muhimmi wajen haɗin kai da kasuwanci a Najeriya da sauran sassan duniya.

Ya kuma bayyana bikin a matsayin wata dama ta karrama harshen Hausa da kuma al’ummar da ke amfani da shi wajen sadarwa da haɗa kan jama’a.