Sarkin Kano ya jagoranci karatun Mauludin Annabi a Fadar Kano

Sheikh Qaribullah Nasir Kabara ne ya gabatar da karatun Mauludin, inda ya yi bayani kan rayuwar Manzon Allah (S.A.W), kyawawan ɗabi’unsa da kuma koyarwar da ya zo da ita ga al’ummar Musulmi.

2

Taron ya samu halartar dubban al’umma, malamai da sauran baƙi daga sassa daban-daban na Jihar Kano, waɗanda suka taru domin tunawa da haihuwar Annabi Muhammad (S.A.W) da kuma ƙara fahimtar koyarwarsa.

1

An fara taron ne da misalin ƙarfe 8 na dare, inda aka ci gaba da karatun Mauludin da addu’o’i har zuwa tsakar dare, lokacin da aka kammala taron.

A cikin jawabinsa, Sheikh Qaribullah Nasir Kabara ya jaddada muhimmancin koyi da kyawawan ɗabi’u da koyarwar Annabi Muhammad (S.A.W), yana mai kira ga musulmi da su sanya koyarwar Manzon Allah cikin rayuwarsu ta yau da kullum.

2