SABANI TSAKANIN JAMI’AN AMOTEKUN DA ’YAN SABO A IBADAN

Rahotannin sun ce jami’an Amotekun sun je yankin ne da nufin kama wani mutum daban, sai aka kama Danliti bisa kuskure. Hakan ya sa wasu daga cikin mazauna yankin suka ƙi amincewa da a tafi da shi, suna bayyana cewa ba shi ne wanda jami’an suke nema ba kuma ba su san yana da hannu a wani laifi ba.

Wannan tirjiya da mazauna yankin suka nuna ta haifar da ɗan saɓani tsakaninsu da jami’an tsaron, lamarin da ya sanya ake buƙatar shiga tsakani domin hana faruwar wani rikici.

1

Daga bisani, Hakimin Sabo Ibadan, Alhaji Bature, ya shiga tsakani domin sasanta ɓangarorin biyu da tabbatar da zaman lafiya.

Bayan tattaunawa, an samu fahimtar juna tsakanin jami’an tsaro da mazauna yankin, inda daga ƙarshe aka saki Alasan Danliti.

Rahotanni sun tabbatar da cewa zuwa yanzu lamarin ya lafa, kuma mazauna yankin sun koma harkokinsu na yau da kullum.